Tirni Iɣallen Inemlayen,

Acer 19 Yebrir 2020,

Taseɣṛut

40 n yiseggasen zrin ɣef tefsut n Yimaziɣen 1980, taseɣṛut-agi d ameskan mgal ankaṛ unṣib n tutlayt d yidles amaziɣ sɣur udabu amesbaṭli seg timunnent taɣelnawt mgal imeɣnasen yessuturen izerfan-nsen igejdanen, di Lezzayer tilellit tamagdayt n war beṭṭu. Amezruy n Lezzayer yettnaɣen ur iḥebbes ara s tira, mazal-it yettkemmil mebla anegzum, abrid ɣezzifen i d-yewwi ugdud ɣef tlelli, d taɣdemt timettit, d usenser adamsan amagan. Deg umnaḍ-agi amazray yettwajjerden s yimennuɣen mgal ankaṛ amagan, asnalsan d tnekra n war cwal i ddula n yizerfan d tugdut, mgal yal talɣa n lbaṭel d unkaṛ n limon n tiɣri n umenzu 01 unbir 1954, d wazal n ugraw n Ṣṣumam, ara d nesmekti ass-a 20 Yebrir 1980 d 2001, d 40 n yiseggasen yezrin ɣef tmesbaniyin n tefsut imaziɣen d 19 n yiseggasen qerriḥen ɣef tefsut taberkant n 2001.

Azemzen-agi akk d izumal n yiberdan iṣeḥḥan i d-yeṭṭef ugdud azzayri seg asmi i d-yewwi timunnet-is i wakken ad iseggem amezruy i wumi bedlen abrid akken ad yessiweḍ ɣer usirem amagday i ɣef nuḍḥen yimezwura-nneɣ i yeɣlin deg annar n lḥerma. Azemz-agi i yesɛan azal deg umezruy id-aɣ icerken ur yezmir ad yettwabḍu, azalen imagdayen, i ɣef seblen tirwiḥin-nsen waṭas n yimeɣnasen n FFS seg 1963 armi d ass-a, akked wid-ak n ineḍruyen n Tuber 1988.

22 Fuṛaṛ 2019, agdud azzayri yekker-d imi yesɛedda acḥal n yiseggasen n unaḍeḥ d miḥyaf n waṭas n tsutiwin n yimeɣnasen imḥaddiyen, akken ad tettwabeded tegduda tis snat tilellit tamagdayt, daɣen i wakken ad taweḍ tiɣri n tezzayriyin d yizzayriyen, d uɣunzu-nsen i udabu amakar. Ktar n useggas i yezrin ɣef tnekra taɣerfant, i yellan d amedya ameqqran i yeswehmen amaḍal s umata, s tebɣest d war cwal s wayes imucaɛ umussu-agi aɣerfan.

Yessaweḍ ad iseddu tiktiwin-is d wayen yessutur, akken ad yili ubeddel amagday ilelli di tmurt-nneɣ.Adabu azzayri mazal-it yettkemmil deg tiɛwji-s, am akken ulac d acu yellan , yegguma ad isel i tiɣri n wegdud azzayri d wayen akk yessutur, acku deg tilawt ur ibrddel acemma.

Aḥbas n waṭas n yimeɣnasen n tugdut d tlelli, d tiwin-nsen ɣer yisekrafen, di lbaṭel acku nnan-d ṛṛay-nsen d wayen ttxemmimen, adabu amesbaṭli s wayagi yet3edda ɣef yizerfan d tlelli n yimedanen. Ass-a, azal n uzgen n lqern n unaḍeḥ d usirem yettwaxedɛen seg udabu amessas amesbaṭli, akabar n FFS ad yesmekti ɣef usḥres-ines ɣef umennuɣ war cwal i usbeddi n tegduda tis snat d ddula tilellit tamagdayt.

Akabar n FFS ibed s lǧehd ɣer tama n wegdud Azzayri, alamma yiweḍ ɣer lebɣi-s, d wayen akk yessaram.

Akabar n FFS ad yessenmer agdud azzayri ɣef tdukli i yeddukel, i wakken ad iḥareb wa ad yesseḥbiber ɣef tezmert-is mgal waṭṭan n Kuruna( Corona vIrus-covid 19), akken ara yerr tajmilt tameqqrant i yimejjayen izzayriyen, d wid-ak akk ixedmen deg taɣult n tezmert, ɣef ayen akk ixedmen i wakken ad selken wa ad dawin imuḍan, d yemdanen i yeṭṭef waṭṭan-agi iweɛren aṭas.

– S umeskan-agi akabar n FFS yeṭṭef deg wansayen-is, d umecwar ɣezzifen i d-yelḥa deg umezruy, ɣef aya yessutur s leqseḥ: -Aserreḥ i yimeɣnasen n rray d tsertit, i yettwaḥebsen. – Aserrḥ i wannaren n tsertit d tɣamsa.

-Tilin n udiwni wessiɛen ara d yessemlilin leryuy igerrzen, akken ad naweḍ ɣer ubeddel s tugdut diAd tidir Lezzayer tilellit tamagdayt di tmurt.

Ad yidir ukabar n FFS.

Lebda i ymeɣrasen-nneɣ.

Amaray Aɣelnaw Amezwaru.

Dr. Ḥakim BELAḤSEL